خدمات التصميم والجرافيك من مصممين مستقلين
محتاج لوجو لمشروعك الجديد، هوية بصرية كاملة، منيو لمطعم، أو تصميمات سوشيال ميديا ثابتة كل شهر؟ على ماي هيرو هتلاقي مصممين مستقلين من مصر والعالم العربي بيعرضوا خدماتهم بباقات واضحة: عدد المقترحات، عدد التعديلات، الملفات اللي هتستلمها، ومدة التسليم.
قبل ما تطلب، بص على معرض أعمال المصمم وتقييماته، واكتب له في الطلب نشاطك والجمهور اللي بتكلمه والألوان أو الأمثلة اللي عاجباك. كل ما البريف كان أوضح، كل ما التسليم كان أقرب للي في دماغك.
خدمات تصميم وجرافيك — صفحة 2
32 خدمةأسئلة شائعة عن خدمات تصميم وجرافيك على ماي هيرو
الفلوس بتتدفع إمتى في خدمات التصميم؟
بتدفع قبل ما الشغل يبدأ، بس المبلغ بيتحجز في الضمان على ماي هيرو ومابيوصلش للمستقل غير لما توافق على التسليم. لو ماردّتش خلال 3 أيام من التسليم، الطلب بيتقبل تلقائي، فراجع الشغل في الوقت.
لو الشغل جه مش زي ما اتفقنا؟
كل باقة مكتوب فيها عدد التعديلات المتاحة، فاطلب التعديل من صفحة الطلب في حدودها. لو التعديلات مانفعتش، افتح نزاع قبل ما توافق على التسليم: المبلغ بيتجمّد، والطرفين بيحاولوا يتفقوا الأول، ولو مااتفقوش فريق ماي هيرو بيراجع المحادثة والملفات ويحكم، وكل طرف من حقه يتظلم مرة واحدة خلال 7 أيام.
أطلب خدمة جاهزة ولا أنشر مشروع؟
لو المطلوب واضح وليه باقة جاهزة بسعر ومدة معروفين، اطلب الخدمة على طول. لو الشغل مخصوص أو كبير، انشر مشروع بميزانيتك واستقبل عروض من المستقلين وقارن بينها، وتقدر تقسّم الشغل لمراحل كل مرحلة ليها مبلغها في الضمان.
هستلم ملفات المصدر؟
حسب الباقة. كل باقة بتقول هتستلم إيه بالظبط (PNG، PDF، ملف مفتوح زي AI أو PSD)، فاختار الباقة اللي فيها الملفات اللي محتاجها، أو اطلبها كإضافة لو المصمم عارضها.
أسئلة تانية؟ شوف مركز المساعدة أو سياسة النزاعات.